““ရင်ထဲက……..အချစ်ကဗျာ””
အချစ်ကဗျာလှလှလေးတွေကိုမှ
စာသလို့ ယဉ်ချင်သူ။
အချစ်မပါရင် ကဗျာမဖြစ်သလိုပေါ့
သိပ်ချစ်တတ်သူ။
ထမင်းမရှိသော်လည်း အချစ်ရှိပါသတဲ့
စိတ်ကူနဲ့ ပြည်တည်သူ
ရူးသူလို့ ဆိုလေမလား။
မရူးပါဘူးကွယ်
လက်တွေ့နယ်မှာလေ……
ထမင်းမပါရင် တကယ်မရသော်လည်း
ဘဝမှာအချစ်မပါခဲ့ရင်ဖြင့်
ရင်ထဲမှာ ဗလာကျင်းပါလို့
ကြည်နူးစရာ လွမ်းစရာ ဘယ်မှာရှိပါ့မလဲ
လူ့အဖြစ်ဟာ တကယ်ရှုံးတာကြောင့်
ဘယ်သူလာ ဘာတွေပြောပေမယ့်
ဘဝအမောတွေ ဖြေကာသိပ်စေတဲ့
“အချစ်ကဗျာ ပန်းလွှာရိပ်” မှာလ
စက်အိပ်နေနား…။။ ။။
တိတ်တခိုး
ရင်မဆိုင်ရဲလို့
ရှောင်လွှဲခဲ့ပေမယ့်
မင်းမျက်ဝန်းတွေကိုချစ်တယ်….
မကြားရဲလို့
နားနှစ်ဖက် ပိတ်ထားပေမယ့်
မင်းစကားတွေကိုချစ်တယ်…
မတုံ့ပြန်ရဲလို့
မျက်နှာလွှဲခဲ့ပေမယ့်
မင်းအပြုံးတွေကိုချစ်တယ်…..
မပိုင်ဆိုင်ရဲလို့
ပစ်ပယ်ဖို့ကြိုးစားခဲ့တဲ့
မင်းနှလုံးသားကိုလည်း
စိတ်နာနာနဲ့ချစ်တယ်…
ရတနာ (၁) – မောင်စိန်ဝင်း (ပုတီးကုန်း)
အမေ့ခက်သည်၊ နေ့ရက်များစွာ
ရတနာ …
မျှော်လင့်ကြည်နူး၊ စိတ်ကူးများစွာ
ရတနာ …
တပ်မက်နှောင်ရစ်၊ ချစ်ခြင်းများစွာ
ရတနာ …
ပျော်ဖူးသည့်ရက်၊ အိပ်မက်များစွာ
ရတနာ …
ဝမ်းနည်းကြေကွဲ၊ ခွဲခွာဆို့နင့်၊
နွေနှင်းပွင့်လို၊ နေမြင့်လျှင်ပြေး၊
ဟိုးဝေးဝေးမှာ၊ မှုန်မှေးပြက်ပျယ်၊
ချန်ထားရက်လျှင် …
တစ်သက်နှောင်ရစ်ဖွဲ့၊ လက်ဆောင်အဖြစ်နဲ့
အချစ်ရဲ့ရုပ်ကြွင်း၊ “လွမ်းချင်း” ကဗျာ
ရတနာလေ …
ရင်မှာထာဝရကျန်လိမ့်မည်။ ။
မျက်နှာသစ်ခြင်း – မောင်စိန်ဝင်း (ပုတီးကုန်း)
ရင်ထဲမဟူရာ၊ နှုတ်မှာပုလဲ
မျက်ဝန်းထဲမှာ၊ နီရဲပတ္တမြား …။
သင်္ကန်းတစ်ဖက်၊ လွှတစ်ဖက်နှင့်
ရက်စက်နှုတ်ချို၊ သောနုတ္ထိုနှယ်
မုဆိုးလည်များ …။
နွယ်လိုမြက်လို၊ ပုတ်သင်ညိုသို့
တိမ်လိုလှိုင်းလို၊ မြေခွေးအိုသို့ ….
ဟိုသည်ပြောင်းနေ၊ ခုနစ်ထွေက တတ်
ဇာတ်ပျက်အချို့။
သူတို့ချည်းလေ …
ရှိနေသလား၊ အားငယ်ချင်ခိုက်
“သံလိုက်တစ်ခုသည် မတူညီသောဝင်ရိုးစွန်းများရှိ၏”
နားလည်မိဆဲ၊ အနေရဲပြန်
လူထဲပြန်ဝင် တိုးလိုက်မိ။ ။
မနက်ဖြန် – မောင်စိန်ဝင်း ( ပုတီးကုန်း )
ပန်းကလေးတွေလဲ
မခြွေပဲ ကြွေတတ်တယ်။
ကြယ်ကလေးတွေလဲ
မခြွေပဲ ကြွေတတ်တယ်။
မျှော်လင့်ခြင်းတွေလဲ
မခြွေပဲ ကြွေတတ်တယ်။
မခြွေပဲ၊ ကြွေလဲ
အနေရဲ၊ ဝေဆဲပါလေ…
ပန်းတွေလဲ မပျောက်ကွယ်
ကြယ်တွေလဲ မကုန်
ယုံကြည်မျှော်လင့်ခြင်းတွေလဲ မပျက်
မနက်ဖြန်ဆိုတာ ရှိနေမယ်။
ဘ၀ ဟုခေါ်သည်… (မင်းကိုချစ်တဲ့သူ)
အချိန်မှန် ထွက်ခွာရတဲ့
ရထားတွေလို ဘ၀ကို
ခုတ်မောင်း
အိမ်ပြန်ဖို့ဆိုတာ ဘယ်တော့မှ
အချိန်တန်မှာလဲ…
တဒင်္ဂ ရိုးသားခြင်းတွေကို
လူကြားထဲ ပြဌာန်း
ကြိုးကြိုးစားစား လျှောက်လှမ်းခြင်းဟာ
ဘ၀ရဲ့ စာမျက်နှာမှာ
သမိုင်းလှလှရေးနိုင်ဖို့အတွက်ပါကွာ…
ကိုယ်ပိုင်အချိန်တွေကို ထုတ်ရောင်း
ပိုတောင်းတတ်တဲ့ လူတွေကြား
“မင်းမဆိုးပါဘူး” ဆိုတဲ့စကားက
ဈေးစစ်ခြင်း တမျိုးပါပဲလား
လူမှုဆက်ဆံရေးက ရှုပ်ထွေးလှတယ်…
သူ (သူဌေး) စိတ်ကောင်းနေချိန် ရော
စိတ်ဖောက်ပြန်တော့ ဖြစ်တဲ့ဇော
ပြသနာ သောင်းခြောက်ထောင်ကြား မျောနေတဲ့
သူတို့တွေက ငပေါတွေပါပဲ…
ဘ၀ရဲ့ မနက်ဖြန်အစီအစဉ်ဆိုတာ
ပြင်ဆင်စရာမလုိုတဲ့ ဗလာစာရွက်လုိုပဲ
မာတိကာမှာလဲ အမှတ်စဉ်မပါရှိဘူး
မသိခြင်းတွေကိုပဲ ကံစမ်းနေရသလုိုပဲ
အပိုချက်တွေမပါတဲ့ လိုအပ်ချက်များစွာနဲ့ပေါ့…
တုိုးတက်တဲ့ မြိုးကြီးမှာ
ရုန်းကန်နေရတဲ့ ဘ၀တူများ
သူတို့ဆွဲရာ ကရတဲ့
ကြိုးတပ်ထားတဲ့ ကကြိုးရုပ်တွေ
မဖြစ်ကြပါစေနဲ့…
ချစ်လျက်နဲ့ ကြေကွဲခဲ့ရပြီ
အိုဘယ့်အချစ်ရေ……….
ကံတရားတွေက ချစ်ခွင့်တွေ ဖန်တီးလာပါရဲ့
နေရောင်တောင်စွယ်မှာ ကွယ်တော့မဲ့ ခဏမှာ
တို့နှစ်ယောက်ရဲ့ကြား အမှောင်ထုထည်က
စည်းခြားတော့မယ် ကိုယ်စီသိက္ခာတွေနဲ့
အချစ်တွေရင်မှာသိုဝှက်ထားပြီး ခရီးဆက်ခဲ့တဲ့
တို့ရဲအနာဂါတ်တွေက မနက်ဖြန်လိုနဲ့ ဝေးခဲ့ကြတာ
လောကဓံတရားရဲ့ ရိုက်ချက်ကြောင့်ပေ့ါ….
အခုတော့….
မကြင် ရက်စက် ယုတ်မာရဲတဲ့
ကံကြမ္မာဆိုးတွေကို ရင်ခွင်ပိုက်ရင်း
လောကဓံပြကွက်ထဲ ဇာတ်ကြမ်းတစ်ပွဲနွဲလိုက်ပေမဲ့
မာယာလှည့်ကွက်ထဲ ထောင်ချောက်မိသလို
ဆက်ချစ်ခွင့်တွေ မရသူ ငါအတွက်
ပျော်စရာ ဘုံဗိမာန် ပျောက်ဆုံးနိဂုံးရောက်ခဲ့ပြီ ချစ်သူ
နွေလယ်ကမ္ဘာမှာ လေပွေပမာ ဆော့ကစားတဲ့ သစ်ရွက်ချောက်လို့ပေါ့…
သုခဘုံဖြစ်သော်လည်း မပျော်ရွှင်နိုင်တဲ့ဘဝမှာ
ဝမ်းနည်းမှုတွေ စိတ်သုန်း ရေခဲပြင်ပမာ အေးခဲခဲ့ပြီ
မည်သို့ပင် အချစ်အတွက် တာဝန်ကျေခဲ့ပေမဲ့
နောင်တဟာ ကျားဆိုးတစ်ကောင်လို
ငါအတွက်တော့ ကမ္ဘာခြားလျက် ဝေးခဲ့တယ်
ဒါပေမဲ့ အချစ်ကို ငါ့ရင်ဘတ်ကြီးနဲ့ ပုံအောပြီး ချစ်ခဲ့တယ်..
တားမြစ်ချက် ကန့်သတ်မဲ့ မင်းတစ်ယောက်တည်းအတွက်
ငါ့ရင်ဘတ်ကြီးနဲ့ အေးအတူ ပူအမျှ ကြင်နာခဲ့တယ်..
ငါအတွက် အခုတော့ ဘယ်မှာ ဝမ်းနည်းစရာတွေ ရှိနိုင်မလဲ ချစ်သူ..။
မျက်ရည်တွေ နေဆယ်စင်းပူတဲ့ အပူရှိန်လို
မြင့်တက်နေပါစေအုန်း ကိုယ်ဘယ်တော့မှ မမှုခဲ့ဘူး
ထာဝရရင်မှာ ထာဝရဆုံးနိုင်ခွင့် ပျောက်ဆုံးကင်းကွာတော့မည့်
တစ်ပွင့်သောပန်း ပန်ဆင်သူ ကြင်ချစ်သူဟာ
ရွေးကောက်ပွဲအောင်မြင်လို့ စေ့စပ်ပွဲကျင်းပတဲ့အခိုက်
ကိုယ်အတွက် ဆွေးမြေးငိုကြွေးဖို့ မထိုက်တန်ပါဘူးလေ ချစ်သူရေ
တကယ်တမ်း ဆန္ဒတွေကို ကြေငြာပြီး
အဆိပ်သင့်အမုန်းတွေနဲ့ လမ်းခွဲခဲ့တာ မဟုတ်ဘူးလေ..
သို့သော် မလွန်ဆန်နိုင်တဲ့ ကြမ္မာမုန်တိုင်းရဲ့
နိယာမတွေကြောင့် မီးပုံကိုတိုးမိတဲ့
ပိုးဖလံလို အတောင်ပျက် ဘဝညှပ်ခဲ့တာပါ ချစ်သူရယ်…။
ဒီအချိန်မှာ……..
ကိုယ် မင်းနဲ့ခွဲခွာပြီး အဝေးဆုံးတစ်နေရာကို
ထွက်ခွာရတော့မယ် ကိုယ်ရဲ့ အသက်ရှုရှိုက်သံတွေ
လေးလံထိုင်းမှိုင်း မောဟိုက်နေပြီ..
ကိုယ်တို့နှစ်ယောက်အတွက် သေဆုံးခြင်းဟာ
ပျော်စရာဗိမာန် တစ်ခုမဟုတ်ပေမဲ့
တို့နှစ်ယောက် မကြာမှီ လမ်းခွဲရတော့မယ်..
ပေါင်းဆုံခြင်း သချာင်္အနားသတ်ဟာ
ဝေးကွာခြင်းလက်မှတ်တစ်ခုဆိုတာ
မင်းလည်း သိလာခဲ့ပြီ ချစ်သူ….။
အချစ်ပင်ပျိုးလို့ အချစ်ပန်းပင်လေးမှာ
ချစ်ပန်းရနံ့လေးတွေကို နမ်းရှိုက်လို့ မဝသေးခင်
ပင်ယံရွက်နုဘဝနဲ့ လေကြမ်းကြမ္မာတွေကြောင့်
မြေခကြွေကျလို့ ပျောက်ဆုံးတော့မယ် ချစ်သူရယ်..။
တက္ကသိုလ်မြတ်မင်း
… မိကွန်ထော ဖတ်ဖို့ ကဗျာတစ်ပုဒ် …(အောင်ဝေး)
ငှက်… မြေကြီးကို ဘယ်သူဖွင့်ကြည့်ရဲသလဲ… ငှက်
ငှက်… ငါသည် အာလဖဖြစ်၍ ငါသည် ဩမေဂလည်း ဖြစ်သည်တဲ့… ငှက်
ငှက်… အိမ်မက်ထဲ၌ အသက်ရှင်သူ အိပ်မက်၌ပင် အသက်စွန့်၏… ငှက်
ငှက်… သားကောင်ရဲ့နောက်သို့ မုဆိုးသည် ထက်ကြပ်လိုက်သကဲ့သို့… ငှက်
ငှက်… သေခြင်းတရားသည် ရှင်ခြင်း၏ နောက်ပါးက လိုက်နေဆဲ… ငှက်
ငှက်… ကောင်းကင်က တဖြည်းဖြည်း နိမ့်နိမ့်လာပြီ… ငှက်
ငှက်… နွေဦး ကောက်ရိတ်ပွဲတော်က ရောက်မလာသေး … ငှက်
ငှက်… ဒီအချိန်မှာ ကျွန်တော် ကတာ ယဉ်ရဲ့လား မမေးနဲ့… ငှက်
ငှက်… ဓါးတို့ရဲ့အောက်က ကမ္ဘာမြေ သတိရပစေ… ငှက်
ငှက်… နှောင်ကြိုးမှအပ ဆုံးရှုံးစရာ အခြားဘာမှမရှိ… ငှက်
ငှက်… သည်လိုပုံနှင့် မိုးကြီးချုပ်လျှင်… ငှက်
ငှက်… ကျွန်ုပ် အိမ်ပြန်ရောက်မည် မဟုတ်ပါ… ငှက်
ငှက်… ကမ္ဘာကြီးက လက်တွန်းလှည်းကလေးတွန်းပြီး … ငှက်
ငှက်… ငရဲပြည်သွား တောလားက မဆုံးသေးဘူးလား … ငှက်
ငှက်… ဒွေး သေသွားပြီ… ငှက်
ငှက်… ဒွေး မသေသေးဘူး … ငှက်
ငှက်… နွားရိုင်းသွင်းချိန် လွန်သွားပြီ… ငှက်
ငှက်… ကမ္ဘာပေါ်၌ ငြိမ်သက်ခြင်းသည် ရှိပါစေသတည်း… ငှက်
ငှက်… မနက်ဖြန် အိုးထရက်ဖို့ဒ်မှာ တွေ့မယ်… ငှက်
ငှက်… ဓနိတန်းထိပ်က ကောင်မလေးလည်း လင်ရသွားပြီ… ငှက်
ငှက်… ဒေါနတောင်တန်းကြီးက မေးနေတယ်… ငှက်
ငှက်… သောင်ရင်းမြစ်ကို သွားငေးရဦးမယ်… ငှက်
ငှက်… ဒီနေ့ လိုနေတာက… ငှက်
ငှက်… ထရမ်းပက်တစ်ထောင် ပြိုင်တူမှုတ်ဖို့ပဲ… ငှက်
ငှက်… တစ်ပွင့်ကြွေရင် နှစ်ပွင့်ဝေမယ်… ငှက်
ငှက်… ကြွေခြင်းဆိုတာ ပွင့်ခြင်းပဲ… ငှက်
ငှက်… ဗဟုဝါဒဆိုတာ… ငှက်
ငှက်… ရန်သူကို မိတ်ဆွေဖြစ်အောင် လုပ်တာပါပဲ… ငှက်
ငှက်… လေနုအေးက တနွဲ့နွဲ့နော့နေဆဲ… ငှက်
ငှက်… အကောင်းကို ရှာ၏… ငှက်
ငှက်… အကောင်းကား မရှိ… ငှက်
ငှက်… တံတားအောက်မှာ မြစ်ရေတွေ စီးဆင်းသွားကြပြီ… ငှက်
ငှက်… အသက်တစ်ရာ မနေရပေမဲ့… ငှက်
ငှက်… အမှုတစ်ခုမှ မတွေ့ရင် အကောင်းဆုံး … ငှက်
ငှက်… ဒီအကြောင်းတွေကို… ငှက်
ငှက်… မိုးရွာထဲမှာ ထီးဆောင်းပြီးပြော… ငှက်
ငှက်… တင်ဇာဝင်းပြည့်လည်း ကလေးတစ်ယောက်ရပြီ… ငှက်
ငှက်… ပုသိမ်မှာ ကော်ရည်သွားသောက်ရအောင်… ငှက်
ငှက်… အစ်မ ခင်ပန်းနှင်းကလည်း ငိုငိုနေတယ်… ငှက်
ငှက်… ပိုင်သနဲ့ တွေ့သေးလား … ငှက်
ငှက်… ဆော့ခရတ္တိက မသေခင် အကြွေးဆပ်ခဲ့တယ်… ငှက်
ငှက်… သမိုင်းကြွေးကို ဘယ်လိုဆပ်မလဲ… ငှက်
ငှက်… ပျက်စီးတယ်ဆိုတာ ဖျက်ဆီးခံရလို့ပဲ… ငှက်
ငှက်… ရုပ်ရှင်ရိုက်မလား … ငှက်
ငှက်… တောင်ကိုရီးယား ဓါးစာခံတွေ အမြန်လွတ်ပါစေ… ငှက်
ငှက်… အီရတ်က ငြိမ်းချမ်ရေးမရဘဲ… ငှက်
ငှက်… အာရှဖလားရသွားတယ်… ငှက်
ငှက်… ငယ်ငယ်တုန်းကလည်း ဂန္ဒီကို ကြိုက်တယ်… ငှက်
ငှက်… ကြီးလာတော့လည်း ဂန္ဒီကို ကြိုက်ဆဲ… ငှက်
ငှက်… မွန်ရိုးကို သတိမရဘူးလား … ငှက်
ငှက်… သေနင်္ဂဗျူဟာ အနိုင်တိုက်ဖို့… ငှက်
ငှက်… တစ်ခါတစ်ရံ နည်းပရိယာယ်ရေး အရှုံးပေးရတယ်… ငှက်
ငှက်… ကြွက်နီကို ဘာမှာဦးမလဲ… ငှက်
ငှက်… အသက်ဉာဏ်စောင့်သတဲ့… ငှက်
ငှက်… ဘီယာနှစ်ခွက်လောက်ကတော့ ဘာမှ မဖြစ်ပါဘူး … ငှက်
ငှက်… တင်ဇာမော် ယောကျာ်းယူသွားပြီ… ငှက်
ငှက်… မန်ယူကို ဝယ်ရင်ကောင်းမလား… ငှက်
ငှက်… ဒေါ်မေကြည်ကတော့ စာကောင်းကောင်းမရေးလို့ … ငှက်
ငှက်… စိတ်ဆိုးတော့မှာပဲ… ငှက်
ငှက်… ဘယ်လိုမှ မအောက်မေ့နဲ့… ငှက်
ငှက်… မော်လမြိုင်မှာ ဆရာကြီး ဒေါက်တာလှဘေ ဆုံးရှာပြီ… ငှက်
ငှက်… ပါရီဟာ အမြဲတမ်း ပါရီပဲ… ငှက်
ငှက်… ဒုက္ခဟာ အမြဲတမ်း ဒုက္ခပဲ… ငှက်
ငှက်… ဆန္ဒရှိရင်… ငှက်
ငှက်… ကောင်းကင်ကို ငုံ့ကြည့်လိုက်… ငှက်
ငှက်… ကံကောင်းရင် မြင်ရလိမ့်မယ်… ငှက်
ငှက်…
ငှက်…
ငှက်…
ဖြေဆေးက မျက်ရည်
မင်းရဲ့အိပ်မက်တွေက
ငါ့ရဲ့အနာဂတ်……
မင်းရဲ့မျှော်လင့်ချက်တွေက
ငါ့ရဲ့ ရည်မှန်းချက်….
မင်းရဲ့ပျော်ရွှင်မှုက
ငါ့ရဲ့ပန်းတိုင်…..
မင်းရဲ့သာယာမှုက
ငါ့ရဲ့ ခရီးဆုံး…..
အရာရာမင်းအတွက်
အရာရာမင်းသဘော
ငါ့ငိုရင်တောင် ရင်ထဲကပဲငိုမယ်
မင်းမသိစေရဘူး……….
ငါနာကြင်ရင်တောင် ကြိတ်ပြီးခံမယ်
မင်းမသိစေရဘူး………
ငါရှုံးနိမ့်ရင်တောင် ပြန်ပြီးထမယ်
မင်းမသိစေရဘူး………….
ငါ့နာကြည်းမှု ဒဏ်ရာ
အရှုံး မျက်ရည်
ဘာတစ်ခုမှမင်းမသိစေရဘူး….
မင်းစိတ်ပျော်ဖို့…
ငါ့ခံစားချက်တွေကို နောက်ပို့ထားတာ…
တဖြည်းဖြည်းနဲ့ မင်းနဲ့ဝေးလာတော့
မင်းလျစ်လျူရှုနိုင်ပြီပေါ့…..
ရပါတယ်….
မင်းကိုချစ်နေဖို့က..
ရှင်သန်နေတဲ့ငါ့ဘ၀ရဲ့
တစ်ခုတည်းသောအလုပ်မို့လို့
ဘာဖြစ်ဖြစ်ချစ်မယ်…
ငါ့ရဲ့အချစ်တွေက..
မင်းအတွက်အဆိပ်ဖြစ်ခဲ့မယ်ဆိုရင်တောင်
ငါ့မျက်ရည်တွေကိုသောက်သုံးလိုက်ပါ
ငါ့နှလုံးသွေးတွေနဲ့
မင်းရဲ့သံသယကိုဆေးကြောပေးမယ်
ငါမင်းကိုသက်ဆုံးတိုင်ချစ်တယ်
ไม่มีความคิดเห็น:
แสดงความคิดเห็น