သင်ဒါတွေပိုင်ဆိုင်နိုင်ပါစေ
===================
-ပစ္စည်းဥစ္စာဆုံးရှုံးခြင်း၊ ရာထူးဆုံးရှုံးခြင်း စတာတွေဟာအကြီးမားဆုံး ဆုံးရှုံးမှုမဟုတ်သေးပါဘူး၊ ကိုယ့်ရင်ထဲက အမြင့်မြတ်ဆုံး စိတ်ထား ဆုံးရှုံးသွားတာကမှသာ အကြီးမားဆုံး ဆုံးရှုံးမှုဖြစ်တယ်။
-တန်ဖိုးအရှိဆုံးအရာဆိုတာ မျက်လုံးနဲ့မမြင်ရဘူး။
-ခွင့်လွှတ်ခြင်းသည် စိတ်ကျန်းမာရေးနှင့် ပျော်ရွှင်မှုအတွက် အလွန်အရေးပါသော အချက်ဖြစ်သည်။
-သူတစ်ပါးပြောတာကိုစိတ်ပါလက်ပါအာရုံစိုက်ပြီး နားထောင်ခြင်းဖြင့် သူ့အပေါ်သင့်ရဲ့ ချစ်ခင်လေးစားမှုကို ပြရာရောက်ပါတယ်။
-စိတ်ကျေနပ်မှုအစစ်ဆိုသည်မှာ အားလုံးအတွက် အကျိုးရှိသော၊ တန်ဖိုးရှိသောအလုပ်ကို သစ္စာရှိရှိ ရိုးရိုးသားသားလုပ်ပြီးမှ ရနိုင်ပါတယ်။ ကိုယ်ကျိုးသက်သက်ရှိတဲ့အလုပ်မျိုးကို လုပ်နေရုံနဲ့ မရနိုင်ပါဘူး။
-ပါးစပ်က ဘာပြောပြောနောက်ဆုံးမှာ သဘောထားကပဲ အဆုံးအဖြတ်ပေးပါတယ်။ ပါစပ်ကညာလို့ရတယ်၊ သဘောထားက ညာလို့မရဘူး။ ချစ်စရာကောင်းတာလည်း သဘောထားကြောင့်ပဲ။ ဘ၀မှာရေရှည်အဆင်ပြေဖို့ အရေးကြီးဆုံးက သဘောထားမှန်ဖို့ပါပဲ။
ဆရာတော်ဦးဇောတိက
ไม่มีความคิดเห็น:
แสดงความคิดเห็น